الازهر د جاکارتا په یوه جومات کې چاودنه سخته محکومه کړه

ایکنا -  د مصر الازهر اسلامي مرکز د انډونشیا په پلازمینې جاکارتا کې په یوه  مسجد کې  چاودنه په سخته  محکومه  کړه  چې په يو تعليمي کمپلېکس کې  واقع دی او دغه چاودنه د جمعې لمانځه په وخت کې رامنځته شوې او د لسګونو کسانو ټپي کېدو لامل شوې.

 ایکنا نیوز د نیوزروم  له قوله راپور راکړ، د الازهر اسلامي مرکز په يوې اعلامیې کې ټينګار وکړ چې په مسجد کې د بې ګناه او سوله غوښتونکو خلکو  ټارکټ کول په داسې حال کې چې په  عبادت بوخت وو، د بشريت خلاف جنايت دی او د هغو اخلاقي ارزښتونو پر وړاندې يو څرګند بريد دی چې د انسانانو د ژوند د ساتلو او د ټولنو دګډوډئ او ويرانۍ څخه د ساتنې لپاره رامینځته شوي دي او د دې جنايت کوونکو د ټولو ديني تعليماتو څخه  انکار کول او د ټولو بشري او اخلاقي ارزښتونو د نه منلو په معنا دي .

الازهر د انډونشیا حکومت او ملت سره د خپلې بشپړ همغږۍ څرګندولو سره له الله  تعالی څخه د ټپيانو لپاره د عاجلې روغتيا او د دې هېواد د خلکو او د نورو اسلامي هېوادونو لپاره له هر ډول زیان او ګواښ څخه د خوندیتوب دعا  وکړه.

په عین حال کې،د الازهر له افراط  پالنې سره د مبارزې د څار مرکز د انډونشیا په پلازمینه جاکارتا کې د تېرې ورځې کې د رامینځته شوې بوږنونکي  پېښې په اړه اندېښنه څرګنده کړې ده او وئیلي ئې دي،دا مرکز د انډونشیا جمهوريت، د هغو  مسؤلينو او خلکو سره د خپلې ژورې خواخوږۍ او تسلیت په څرګندولو سره ،د کلاپا ګادينګ تعليمي کمپلېکس په مسجد کې د بم برید  په کلکه غندو او باید چې عاملان ئې وپيژندل او سزا شي.

دا بدمرغه پېښه چې د څه د پاسه ۵۴ کسانو د ټپي کېدو لامل شوې چې  د ځینو خالات مرګي حاله ښودل ښوي دي 

https://iqna.ir/fa/news/4315414